PARIKAN BAHASA JAWA

                         Parikan Bahasa Jawa Karya Anak Kelas XI SMA MBS Zam-Zam Cilongok

No.	Karya	Hasil
1.	Afrizal Huda	Tuku watu, maring Jember Nuntut ngelmu, kudu bener. Tuku Jambu, sekang pasar durung mambu Aja padu, mending padha nuntut ngelmu.
2.	Alwi Muhamad	Bapak Mujid, lagi nobar dadi murid, kudu sabar
3.	Daffa Akram	Iwak bandeng, durung payu priya ngganteng, sugih ngelmu
4.	Eldy Rosyid	Mangan roti, karo susu urip mati, nggo sinau
5.	Ending Fitri	Mangan bakwan, mangan tahu pendidikan, kudu maju Ager-ager, tukune neng pasar minggu pengin pinter, ya kudu sregep sinau
6.	Fatih Akyas	Tuku klapa, kanggo Asep dadi siswa,  kudu sregep Tuku klapa, ana ing Pasar Kareju anak mudha, kudu sregep nggolet ngelmu
7.	Hafidz Aghni	Mlaku banter, kena watu pengin pinter, ya sinau
8.	Khikmah Akmal	Weruh panda, uwis mati mumpung mudha, sregep ngaji Maring pawon, nyuled geni ndamu merang ayo emon, nggayuh ngelmu kanthi sabrang.
9.	Labib Majid	Bagas lemu, mangan ati nggolet ngelmu, tekan mati Enting-enting gula Jawa, sebungkus isine sanga ingatane para siswa, wajib seneng karo basa
10.	Masykur Amanu	Ngasah paku, ngasih landhep nggolet ngelmu, kudu sregep Tuku kayu, rega sewu buku iku, jendhela ngelmu
11.	M. Dhiya’ul Haq	Ana laler, menclok pager pengin pinter, aja mager Iwak bandheng, uripe ana segara ora mudheng, mulane  padha nggatekna
12.	M. Fauzi Mubaroq	Ana laler, neng omahmu pengin pinter, ya sinau Menyang Bogor, esuk-esuk karo Ibu pengin pinter, ya kudu sregep sinau
13.	M. Humam Arkan	Gula aren, karo petis santri keren, buku gratis
14.	M. Ibnu Dharmawan	Mangan ayam, ngarep omah santri zam-zam, pinter cramah
15.	M. Raviq	Tuku sikat, karo kupat ayuh sholat, nggolet rahmat Maring sawah njiot gabah santri zam-zam, gagah-gagah
16.	Nanang Frandika	Muter-muter, luru smangka santri pinter, sering maca
17.	Raja Rahman	Mangan londok, muter-muter bocah pondok, pinter-pinter

Read More

NYEMAK MUSYAWARAH BAHASA JAWA

Materi Kelas 11 (XI) KTSP Bahasa Jawa KD Mendengarkan.

NYEMAK MUSYAWARAH

            Ing sajroning bebrayan ana tembung krungu, ngrungokna lan nyemak. Ketelune beda-beda tegese.

Krungu tegese proses kagiyatan nampa swara sing dilakoni kanthi ora sengaja utawa mung kebeneran bae.  Tuladhane : Nalika aku sinau, aku krungu barang tiba sekang ndhuwur gendheng. Ngrungokna tegese proses kagiyatan nampa swara sing dilakoni kanthi sengaja nanging durung ana unsur pemahaman. Tuladhane : Nalika aku sinau basa Jawa, aku krungu lagu karemenanku/kasenenganku, sewise aku ngrungokna lagu kuwe, mbarang wis rampung lagune, aku nglanjutna sinau maning. Nyemak tegese proses kagiyatan nyemak lambang-lambang lisan kanthi nggatekna temenanan, paham, apresiatif, sarta nangkep isi utawane pesen babagan sing diomongna. Tuladhane : aku mesthi nyemak piwulangan sing diparingake guruku kanthi temanan, sinambi nyatet bab-bab penting sing diterangna.

Jinising nyemak kaperang dadi loro, yakuwe : nyemak Ekstensif lan intensif

            Musyawarah mujudaken cara kang prayoga kanggo ngrampungna perkara kanggo nggoleti solusi utawa cara ngrampungi perkara. Ora perlu rebutan adu bener. Ing musyawarah mesthine nduweni tujuan mupakat. Awit saka kuwe, tanggapan ing musyawarah bisa awujud gagasan, kritik, usul utawi saran lan dukungan. Musyawarah bisa mlaku kanthi apik manawa kabeh sing magepokan karo kagiyatan kayadene ketua, juru tulis, moderator, lan pasarta.

1.      Moderator/pranatacara sing nata mlakune musyawarah nduweni kuwajiban yaiku :

a. sing bakal miwiti kanthi ngandharakna apa bae sing arep dirembug

b. mratitisana sapa sing olih aweh pamanggih

c. aweh kalodhangan maring sing nanggepi

d. nyimpulna musyawarah

Moderator utawa pranatacara apike wong sing :

a. nguwasani perkara sing dirembug

b. landhep pikirane, pratitis

c. bisa ngregani pendapatane wong liya

d. jujur lan ora abot sisih

e. adil

f. ora nduwe pendapat sing ora apik.

2.      Ketua musyawarah kuwajibane :

a. nentukna tujuan musyawarah

b. ngomong pokok-pokok perkara sing arep dirembug

c. njawabi pitakonan=pitakonan sing pasarta

d. nentukna asil musyawarah.

3.      Juru tulis kuwajibane :

a.       Nggawe ringkesan/dudutan utawa notulen

Isine notulen

-          Judul (musyawarah bab apa)

-          Wektu musyawarah

-          Sapa pimpinane musyawarah

-          Pira jumlah sing melu

-          Rantaman adicara

-          Simpulan musyawarah

-          Asil musyawarah

-          Ditandatangani notulis lan pimpinan musyawarah.

4.      Pasarta kuwajibanipun :

a.  Ngrungokna sing dirembag ing musawarah.

b.  Ora ngomong angger urung di olihna neng moderator.

c. Sopan, ngajeni kabeh pamanggih pasarta liya.

Kabeh  sing dijlentrahna neng ndhuwur kalebu tata carane musawarah sing sifate resmi.

Gladhen!

1) Gawea kelompok lan paragakaken musawarah ing ngarep kelas.

2) Tentukna tema sing arep dirembag.

3) Tentukna paraga sing kudu ana ing musawarah.

4) Gawea lapuran asil saka musawarah.

KAPUNDHUT SAKING PINTEN-PINTEN SUMBER LAN KANTHI OWAHAN.

Read More